Orzuingizdagi IT-karyerasiga erishish uchun qaerga borish kerak?

IT-sohasidagi eng istiqbolli yo‘nalishlar

Google, Apple yoki Amazon kabi IT-gigantlarida ishlashni orzu qilasizmi?

SI (AI), kiberxavfsizlik yoki bulutli texnologiyalar sohalarida ishlash orqali kelajakni yaratmoqchimisiz?

Unda ushbu post siz uchun!

Zamonaviy dunyoda sun’iy intellekt (SI), texnik-mashinani o‘rganish (ML), kiberxavfsizlik, bulutli texnologiyalar, dasturiy ta’minotni ishlab chiqish, ma’lumotlarni tahlil qilish va FinTech kabi sohalarda IT-mutaxassislar talab etiladi. 

Keling, qaysi davlatlar IT-mutaxassislar uchun eng yaxshi sharoitlar va maoshlarni taklif qilishini ko‘rib chiqaylik.

Shimoliy Amerika

➡️ Kremniy vodiysi (AQSh). AI/ML muhandislari uchun ilhom makonidir. O‘rtacha ish haqi - yiliga $120,000-$200,000 AQSh dollariga teng. Aytgancha, bu yerda eng ko‘p tendensiyalar yaratiladi va butun dunyoga tarqaladi.

➡️ Vashington (AQSh). Kiberxavfsizlik bo‘yicha davlat qo‘riqchisi vazifasini bajaruvchi makondir. O‘rtacha ish haqi - yiliga $100,000-$150,000 AQSh dollarini tashkil etadi. Kiberxavfsizlik bilan birgalikda, moliyaviy sektorni ham eslab o‘tish lozimdir.

➡️ Nyu-York (AQSh). Moliyaviy sektorda kiberxavfsizlikka bo‘lgan talablar sabab, ushbu yo‘nalishdagi mutaxassislarga maosh takliflari yuqori. O‘rtacha ish haqi - yiliga $110,000-$180,000 AQSh dollariga teng.

➡️ Siyetl (AQSh). Amazon va Microsoft kompaniyalarida bulutli texnologiyalar mutaxassislariga katta qiziqish mavjud. O‘rtacha ish haqi - yiliga $115,000-$190,000 AQSh dollarini tashkil qiladi.

➡️ Toronto (Kanada). Ushbu davlatda ham IT-mutaxassislarining ish haqi baland bo‘lib, yiliga oʻrtacha $55,000-$105,000 AQSh dollarigacha ishlab topish mumkin.

Yevropa

➡️ Berlin va Myunxen (Germaniya). Bu shaharlarda aynan avtopilot hamda sanoatni avtomatlashtirish yo‘nalishlari bo‘yicha IT-mutaxassislariga talab katta. O‘rtacha ish haqi -  yiliga $63,000-$105,000 AQSh dollariga teng. Yevropa har doim o‘zining muhandislik maktabi bilan mashhur bo‘lgan va Germaniya bundan mustasno emas.

➡️ London (Buyuk Britaniya). Bu davlatda moliyaning markazida FinTech va kiberxavfsizlik kabi yo‘nalishlar turadi va aynan ushbu sohalarda 
IT-mutaxassislarga yaxshi takliflar taqdim etilmoqda. O‘rtacha ish haqi - yiliga $88,000-$152,000 AQSh dollarini tashkil etadi. Londonning moliyaviy dunyosi Parijning startap sektorlarida rivojlanayotgan texnologik innovatsiyalar bilan chambarchas bog‘langan. 

➡️ Parij (Frantsiya). Ushbu shaharda esa, SI (AI) va FinTech startaplarini yaratish bo‘yicha IT-mutaxassislariga talab katta. O‘rtacha ish haqi - yiliga $58,000-$94,000 AQSh dollariga teng. 

➡️ Amsterdam (Niderlandiya). Kiberxavfsizlik bo‘yicha mutaxassislarga talab yuqori bo‘lib, o‘rtacha ish haqi - yiliga $63 000-$137 000 AQSh dollarini tashkil etadi.

➡️ Shveytsariya. Ushbu davlatda IT-mutaxassislarining oʻrtacha ish haqi yiliga $77 000-$210 000 AQSh dollariga teng.

Osiyo va Avstraliya

➡️ Tokio (Yaponiya). SI (AI) va avtomobilsozlik sanoati bo‘yicha yetakchi bo‘lgan Yaponiyada IT-mutaxassislarga talab katta bo‘lib, ularning o‘rtacha ish haqi - yiliga $54,000 - $100,000 AQSh dollariga teng. Yapon texnologiyasi har doim zamon bilan hamnafas bo‘lgan va Janubiy Koreya poytaxti Seul ham texnologik o‘zgarishlar bilan hamnafas bormoqda.

➡️ Seul (Janubiy Koreya). Samsung va LG mobil ilovalari hamda apparat vositalari mutaxassislarining o‘rtacha ish haqi - yiliga $49,000 - $90,000 AQSh dollariga teng.

➡️ Singapur moliya markazida FinTech va kiberxavfsizlik. O‘rtacha ish haqi - yiliga $60,000 - $115,000 AQSh dollariga teng.

➡️ Sidney va Melburn (Avstraliya) dasturiy ta’minotni ishlab chiqish va bulutli texnologiyalar bo‘yicha mutaxassislarning o‘rtacha ish haqi - $57,000 - $102,000 AQSh dollariga teng.

Shuningdek, bugungi kunda kiberxavfsizlik, bulutli texnologiyalar, sunʼiy intellekt, dasturiy taʼminotni ishlab chiqish va maʼlumotlarni tahlil qilish kabi sohalar ham tendensiyaga ega. Masofadan turib ishlash imkoniyatiga ega boʻlgan IT-mutaxassislari dunyoning istalgan nuqtasida IT-sohasida malaka oshirishlari mumkin, biroq mahalliy qoidalar va til qoidalariga javob berish muhim.

IT-sohasida qaysi mutaxassislar ko‘proq talab etilmoqda?

 
 Tajribasiz va kam tajribaga ega bo‘lgan IT-mutaxassisi qayerda ishlashi mumkin? IT-sohasida muvaffaqiyatli partfolioga ega bo‘lish uchun qanday ko‘nikmalar kerak? Bu kabi savollar ushbu dinamik sohada muvaffaqiyatga intilayotgan yoshlarni qiziqtiradi.

IT-sohasidagi istiqbolli kasblar kelajakda mutaxassis sifatida rivojlanishga tayyor bo‘lgan yoshlar uchun keng imkoniyatlar ochadi. Yuqori maoshli IT-kasblar ko‘plab insonlarni o‘ziga jalb qiladi, ammo shuni unutmaslik kerakki, muvaffaqiyat o‘z ishiga chinakam ishtiyoq bilan yondashganlarga keladi.